#Хамтын_ажиллагаа_туршлага_солилцоо хэрэгжиж байна.
Техник Технологийн Дээд Сургууль – IETТехник Технологийн Политехник Коллеж нь German Mongolian Institute for Resources and Technology – GMIT Монгол-Германы технологийн их сургуультай хамтын ажиллагааны санамж бичгийн хүрээнд багш, ажилтан туршлага, санал солилцох уулзалтыг зохион байгуулав.
Энэ хүрээнд Сургалтын хөтөлбөр, оюутны мэргэжлийн дадлага сургалтыг хамтран зохион байгуулах, Эрдэм шинжилгээ, судалгаа, инноваци шингэсэн бүтээгдэхүүн үйлчилгээ явуулах, Сургуулийн ногоон бодлогын үйл ажиллагаанд тэргүүн туршлагаа харилцан солилцох, Багшийн хөгжил, цахим сургалтыг хамтрах зэрэг чиглэлээр ажиллахаар 2 тал ярилцаж тохиров.
2 сургуулийн хөгжлийн бодлого, үйл ажиллагааны чиглэл тодорхой түвшинд ижил төстэй байгаад цаашид хамтран ажиллахад илүү их боломжийг бүрдүүлэн хамтран ажиллана гэдгээ 2 талууд илэрхийллээ.
Мөн МГТИС-ийн багш Доктор Т.Нарангарав сургуулийн багш, оюутан нарт “Хүнсний хаягдлаас микробио-түлшний протон солилцлын мембраныг гарган авах” сэдвээр сонирхолтой лекц хэлэлцүүлэг явууллаа.
Манай сургуулийн үйл ажиллагаатай танилцаж туршлагаа солилцсон МГТИС-ийн удирдлага, хамт олонд талархал илэрхийлье.
Бидний цаашдын хамтын ажиллагаа улам бүр батжин хөгжих болтугай.
