Мэдээний Дэлгэрэнгүй

Техник Технологийн Дээд Сургууль - IETТехник Технологийн Политехник Коллежийн жил бүр уламжлал болон явагддаг багш, судлаачдын эрдэм шинжилгээний хурал “Боловсрол ба инженерчлэл-2025” сэдвийн хүрээнд зохион байгуулагдлаа.

Хурлыг захирал, профессор Ц. Баярмаа “Үр дүнд суурилсан сургалтын хөтөлбөрийн боловсруулалтад хийсэн судалгаа, үр дүн” сэдвээр зочин илтгэл хэлэлцүүлэн нээлээ.

Тус эрдэм шинжилгээний хуралд аман болон ханын 28 илтгэл хэлэлцүүлэгдэж Доктор (Sc.D), профессор С. Нямдорж, Доктор (Ph.D), профессор Ж. Батдэлгэр, Доктор (Ph.D), профессор С. Цэвэл нар шүүж, зөвлөмж өгч ажилласан.

Олон илтгэлүүд хэлэлцүүлэгдэж судалгаанд тавигдах шалгуураар дараах илтгэлүүд тэргүүллээ.

• 1-р байр: Барилга архитектурын тэнхимийн дэд профессор Х. Сүх-Эрдэнэ “Суурийн ухаасын ханын цутгалмал төмөрбетон шонт бэхэлгээг шпунтан бэхэлгээтэй харьцуулсан судалгаа” сэдэвт илтгэл.
• 2-р байр: Математик компьютерийн ухааны тэнхимийн багш М.Баярбилэг “Хичээлийн явцын болон улирлын үнэлгээний хамаарлыг пирсоны корреляцийн коэффициентоор тооцох нь” сэдэвт илтгэл.
• 3-р байр: Механик электроникийн тэнхимийн багш Т. Энхчимэг “Инженерийн боловсрол дахь дижитал тоглоомын хэрэглээ ба үр нөлөө” сэдэвт илтгэл
• Тусгай байр: Авто зам, материал судлалын тэнхимийн дэд профессор Т. Хишигтогтох “OPC 42.5 ангийн цементтэй бетоныг карбонатын өгөршлөөс хамгаалах боломжийн судалгаа” сэдэвт илтгэл тус тус байр эзэллээ.

Багш, судлаачдын эрдэм шинжилгээний хурал нь:

• Мэдлэг, туршлагын солилцоо болж оролцогчид өөрсдийн судалгааны шинэ санаа, туршлага, арга зүйг хуваалцсанаар шинэ судалгааны чиглэл, хамтын төсөл эхлүүлэх;
• Багш, судлаачдын дунд мэргэжлийн хамтын ажиллагааг өргөжүүлэх, ирээдүйн хамтын судалгааны төслүүдийг хэрэгжүүлэх;
• Олон улсын болон дотоодын судалгааны чиг хандлага, технологийн дэвшлийг танин мэдэх замаар багш, судлаачид шинэлэг арга барил, туршилтыг хуваалцаж, судалгааны чанарыг нэмэгдүүлэх;
• Инновацийн платформ болох технологи, шинэ шийдэл, онол, практик шийдлүүдийг танилцуулж, инновацийг дэмжих боломжийг олгох;
• Багш, судлаачдын мэргэжлийн ур чадвар, бүтээлч сэтгэлгээг дэмжих, шинэ санаа, судалгааны арга барилыг хөгжүүлэх;

Зэргээр багш, судлаачдын дунд идэвхтэй, бүтээлч харилцааг бүрдүүлж, эрдэм шинжилгээний хамтын ажиллагааг дэмжиж, судалгааны шинжилгээний арга зүйг хөгжүүлэх чухал ач холбогдолтой үйл ажиллагаа боллоо.

Эрдэм шинжилгээний хуралд оролцсон багш, судлаач нартаа, хамтран ажилласан шүүгчид болон зохион байгуулсан хамт олондоо эрдэм судлалын үйл хэрэгт өндөр амжилт хүсье!

Сургуулийн захиргаа @topfansТүүхт 40 жил -Техник технологийн дээд сургуульNews_IET