Мэдээний Дэлгэрэнгүй

#Япон_улсад_интерншип_хөтөлбөрт хамрагдахаар хөлгийн жолоо заллаа.

Техник Технологийн Дээд Сургууль - IETNews_IETТехник Технологийн Политехник Коллежийн оюутнууд Япон улсад 1 жилийн хугацаатай мэргэжлийн дагуу цалинтай дадлагажих хөтөлбөрт хамрагдаж 6 жилийн туршлагыг хуримтлуулаад байна.

Энэ удаад #Цахилгааны_инженер_хөтөлбөрийн оюутан Баянжаргал, Одбаяр, Билгүүн нар тус хөтөлбөрт хамрагдахаар өнөөдөр Япон улсыг зорилоо. 

Япон улсад интерншип хөтөлбөрт хамрагдах нь оюутан, залуу мэргэжилтнүүдийн хувьд ач холбогдолтой. Япон улс технологи, аж үйлдвэрийн хөгжил, ажил хөдөлмөрийн соёл, чанарын өндөр шаардлага зэрэг олон талаар дэлхийд тэргүүлдэг тул энд дадлага хийх нь оюутан залуучуудын ирээдүйн карьер, ур чадварт эерэг нөлөө үзүүлнэ.

Олон улсын ажлын туршлага

• Японы компаниуд өндөр зохион байгуулалттай, мэргэжлийн хандлагатай тул бодит ажлын орчинд ажиллаж, олон улсын түвшний мэргэжлийн туршлага хуримтлуулна.
• Япон улсын хөдөлмөрийн зах зээлд дадлага хийснээр ажил олгогчдын итгэлийг олж авах боломж нэмэгдэнэ.

Японы ажлын соёлыг ойлгох

• Японы компаниуд “Kaizen” (тасралтгүй сайжруулалт), “5S” систем (цэгцтэй ажлын орчин), “Nemawashi” (багийн шийдвэр гаргалт), “Omotenashi” (үйлчилгээний соёл) зэрэг онцгой ажлын соёлтой орон.
• Дадлагын явцад оюутан танд ёс зүй, цаг баримтлах, хариуцлагатай ажиллах дадал зэрэг Япон маягийн “Shokunin” (мэргэжлийн ур чадварын төгс байдалд хүрэх философи) соёлыг суралцах боломжтой.

Техник, технологийн дэвшилтэт орчинд ажиллах

• Япон улс инженерчлэл, робот, үйлдвэрлэл, авто машин, мэдээллийн технологи, хиймэл оюун ухаан зэрэг олон салбарт дэлхийд тэргүүлдэг.
• Инженерчлэл, IT, судалгаа хөгжүүлэлтийн чиглэлээр дадлага хийвэл хамгийн сүүлийн үеийн технологи, программ хангамж, үйлдвэрлэлийн процессийг сурч, туршлага хуримтлуулна.

Харилцаа холбоо, сүлжээ (Networking)

• Японд дадлага хийснээр олон улсын олон соёлт орчинд ажиллаж, япон болон бусад орны мэргэжилтнүүдтэй холбогдох боломжтой.
• Цаашид Япон компанид ажиллах, эсвэл олон улсын төслүүдэд хамтрах боломж үүснэ.

Хэлний мэдлэгээ дээшлүүлэх

• Японд дадлага хийх явцад япон хэлний мэдлэгээ сайжруулж, бизнесийн харилцаанд ашиглах боломжтой.
• Зарим компаниуд англи хэл дээрх интерншип хөтөлбөртэй байдаг ч, япон хэлтэй бол давуу тал болно.

Цалин, амьдрах нөхцөл

• Японд интерншип хөтөлбөрүүд цалинтай байдаг ба орон байр, унааны зардал, хоолны хөнгөлөлт олгодог.
• Зарим компаниуд дадлагын хугацааны дараа байнгын ажлын санал тавих боломжтой.

Хувийн болон мэргэжлийн ур чадвар хөгжүүлэх

• Хариуцлагатай, бие даан ажиллах, асуудал шийдвэрлэх, бүтээлч сэтгэлгээ зэрэг чадваруудыг хөгжүүлэхэд Японы дадлага маш том боломж юм.
• Япон компанид ажиллаж байсан туршлага нь таны CV-г илүү үнэ цэнэтэй болгож, олон улсын томоохон компаниудад өрсөлдөх давуу тал бий болгоно.

Цаашид манай сургууль Япон улс сургалт, дадлага, ажлын хариуцлага, багийн ажиллагаа, бүтээмж зэрэг олон талын дэлхийд тэргүүлэх ажлын арга барилтай учраас интерншип хөтөлбөрөөр олон залуучуудыг явуулах болно.

Та Япон оронд инженерчлэлийн салбарт суралцах, ажиллах сонирхолтой бол бидэнтэй нэгдээрэй.

Түүхт 40 жил -Техник технологийн дээд сургуульZag Group / Заг ГруппМИКА Монгол - MICA Mongolia株式会社 GLOW

Өнөөдөр хөлгийн жолоо залсан оюутнууддаа амжилт хүсье. Та нар минь мэргэжлийн мэдлэг, ур чадвараа дээшлүүлээд, сургууль мэргэжил болон өөрийн нэр хүндийг өндөрт өргөж сайн суралцаарай. Аян замын ерөөл өргөе.