Техник Технологийн Дээд Сургууль - IETТехник Технологийн Политехник Коллежтой хамтын ажиллагаатай Чанг юуань тогоочийн мэргэжлийн техникийн коллежийн удирдлага, төлөөлөл уулзаж хамтын ажиллагааны чиглэл, цар хүрээг нэмэгдүүлэхэд санал солилцов.
Чанг юуань тогоочийн мэргэжлийн техникийн коллеж нь БНХАУ-ын Хэнань мужийн хувийн дээд мэргэжлийн болон техникийн коллеж юм. Тус сургууль “Хятадын алдартай тогоруу хот”, “Хятадын тогоочийн хот” болон “Хятадын алдартай хоолны хот” гэсэн нэр хүндтэй Хэнань мужийн Чанг Юуань хотод байрладаг.
Тус сургууль нь мэргэжлийн боловсролын сургалтын чанарыг сайжруулахад анхаарч хүнсний технологи, хоол үйлдвэрлэл шим тэжээл, соёл аялал жуулчлал, бизнесийн удирдлага, зочид буудлын менежмент, дижиталчлал, ухаалаг барилга, механик цахилгаан үйлдвэрлэл, сургуулийн өмнөх боловсрол зэрэг чиглэлээр суралцдаг 14,000 оюутантай.
1963 онд Чанг Юуаний Худалдааны товчооны харьяа Чанг Юуаны тогооч бэлтгэх сургууль нэртэй анх байгуулагдаж байсан бол өдгөө “Нэг тэргүүлэх, зургаан дагалдах" гэсэн мэргэжлийн боловсрол олгох онцлогтой коллеж болон өргөжиж байна.
Цаашид “хоолны мэргэжлээр удирдуулж, “компьютер мэдээллийн мэргэжил, боловсролын салбар, худалдаа санхүүгийн мэргэжил, аялал жуулчлалын менежмент, барилгын инженер, удирдлагын менежмент, механик цахилгаан технологи, автоматжуулалтын мэргэжил”-ийг уялдуулан хөгжүүлэх зорилготой юм.
Бидэнтэй хамтын ажиллагааны хүрээнд оюутан солицооны хөтөлбөр эхэлж байгаа бөгөөд өдгөө тус сургуулийн тогооч мэргэжлээр төгссөн 4 оюутан боловсролын зэрэг ахиулахаар манай сургуульд суралцаж байна.
Бид хэлэлцээрийн үр дүнд “Мэргэжлийн боловсролын олон улсын солилцоо, хамтын ажиллагааны механизмыг шинэчилж И Иний нэрэмжит сургалтын төв”-ийг байгуулахаар санал солилцлоо.
И Ин (хятадаар: 伊尹) нь Шан гүрний эхэн үеийн ерөнхий сайдаар ажиллаж байсан Хятадын улс төрч, тухайн үеийн гавъяат түшмэдийн нэг юм. Түүнийг хятад хоолны өвөг дээдэс, Төв тал нутгийн хоолны үндэслэгч гэж тооцдог юм байна.
Тус төвөөр дамжуулан
Бидний хамтын ажиллагаа өргөжих болтугай.
Түүхт 40 жил -Техник технологийн дээд сургуульNews_IETБоловсролын магадлан итгэмжлэх үндэсний зөвлөл