ХӨТӨЛБӨРИЙН ЗОРИЛГО:

Олон улсын жишигт нийцэхүйц инженерийн шийдэл,  гүүр хоолойн төлөвлөлт, тооцоо хийж боловсруулах, зам барилгын ажлын арга технологи, зохион байгуулалтын арга ажиллагааг эзэмшүүлнэ. “Гүүрийн барилга” чиглэлээр төгсөгч нь гүүр, хиймэл байгууламжийн зураг төсөл боловсруулах , зам барилгын ажлыг гүйцэтгэх, хяналт тавих, зам барилгын материал, хийц бэлтгэх үйлдвэрийг удирдан ажиллуулах, авто замын ашиглалт, үйлчилгээг төлөвлөх, авто зам барилгын мэргэжлээр эрдэм шинжилгээний ажил хийх, зохион бүтээх ба удирдан зохион байгуулах.

ХӨТӨЛБӨРИЙН ЗОРИЛТ:

• Зорилт 1. Шинжлэх ухаан, технологи, инновацийг хэрэгжүүлж салбар, байгууллагын хөгжлийг шинэ түвшинд хүргэхэд хувь нэмрээ оруулж чадахуйц мэргэжилтэн бэлтгэх;
• Зорилт 2. Онолын мэдлэгийг практикт ашиглаж, бүтээлчээр хэрэгжүүлэх дадал, чадвар эзэмшүүлэх;
• Зорилт 3. Мэргэжлийн болон нийгмийн ёс зүйтэй, хүнлэг энэрэнгүй хувь хүнийг төлөвшүүлэх;
• Зорилт 4. Олон улсад хүлээн зөвшөөрөгдсөн сургууль болохын тулд чадварлаг багш, мэргэжилтнүүдтэй хамтран ажиллаж сургалтын таатай орчныг бүрдүүлж, сургалтанд дэвшилтэт технологи нэвтрүүлэх;
• Зорилт 5. Гадаад, дотоодын хамтын ажиллагааг өргөжүүлж түншлэлийг бэхжүүлэх;

ХӨТӨЛБӨРИЙН ХҮРЭХ ҮР ДҮН:

Оюутны эзэмших суралцахуйн үр дүнгүүд нь оюутнууд уг хөтөлбөрөөр суралцаж төгсөхдөө эзэмшсэн байвал зохих мэдлэг, чадвар хандлагыг тодорхойлно. АЗБИ хөтөлбөрөөр төгсөгчид нь дараах суралцахуйн үр дүнгүүдийг эзэмшинэ. Үүнд:

1. Математик, шинжлэх ухааны үндсэн суурь мэдлэг
2. Инженерийн цөм суурь мэдлэг
3. Ахисан түвшний инженерийн суурь мэдлэг, аргууд, хэрэгсэлүүд
4. Шинжлэн судлах, асуудал шийдвэрлэх чадвар
5. Туршилт хийх, мэдлэг бүтээх чадвар
6. Системтэйгээр бодох чадвар
7. Хувь хүний хандлага, байнга суралцах чадвар
8. Ёс зүйтэй байх, хариуцлагаа ухамсарлах чадвар
9. Багаар ажиллах чадвар
10. Харилцааны ур  чадвар
11. Гадаад хэлээр харилцах чадвар
12. Инженерийн шийдлийн техник, эдийн засаг болон нийгмийн нөлөөллийг ойлгох чадвар
13. Инженерийн шийдлийн байгаль орчин, тогтвортой хөгжилд нийцэх байдлыг ойлгох чадвар
14. Инженерийн систем ба удирдлагын түвшинд сэтгэн бодох чадвар
15. Төлөвлөх чадвар
16. Хэрэгжүүлэх чадвар
17. Туршилт, судалгааны үр дүнг хэрэглээ болон үйлдвэрлэлд нэвтрүүлэх чадвар

ХӨТӨЛБӨРИЙН ДАВУУ ТАЛ:

Засгийн газраас гаргасан Монгол улсад шаардлагатай тэргүүлэх мэргэжлийн чиглэлд орсон хөтөлбөр юм. Тус хөтөлбөр нь үндэсний хэмжээнд магадлан итгэмжлэгдсэн ба ХАВСАРГА мэргэжлээр суралцах, Техник Технологийн Дээд Сургуулийн дипломтой төгсөх боломжтой.

СУРГАЛТЫН ОРЧИН:

Авто зам, материал судлалын төвийн харьяанд хөтөлбөрийг хэрэгжүүлэх болон судалгаа, шинжилгээний ажил хийх нөхцөл боломжоор хангасан лаборатори, дадлагын газар, сургалтын танхимуудтай. Үүнд ерөнхий суурь ухааны болон мэргэжлийн хичээлийн танхимууд (хичээлийн хуваариар өөр танхимуудад хичээллэдэг), үйлдвэр сургалтын дадлагын газар, Авто зам материал судлалын итгэмжлэгдсэн лаборатори,  компьютерийн лаборатори, CDIO урлан, спорт заал, номын сан, цайны газар, кафе гэх мэт ба нийт 260,9 м.кв талбайг хариуцан ашиглалтын хэвийн нөхцөлийг ханган сургалтыг явуулж байна.

ТӨГСӨГЧДИЙН АЖЛЫН БАЙР:

• Авто замын хөгжлийн төв
• Авто замчдын холбоо
• Авто замын барилгын чиглэлээр төрийн болон төрийн бус аж ахуйн нэгж байгууллагууд, түүний харъяа газар, хэлтэсүүдэд мэргэжилтэн, инженер